ഒരു ഓട്ട പ്രദിക്ഷണം

ഇന്നും ഞാൻ വെറുതെ
ഒന്നു തിരിഞ്ഞു നോക്കി
പഴയ കാലത്തിലൂടെ
ഒരു ഓട്ട പ്രദിക്ഷണം..
സ്വപ്നങ്ങൾ നിറഞ്ഞു
കത്തിയ ഭൂതകാലത്തിലേക്ക്
ഇന്നവിടെ ദഹിച്ചു പോയ
സ്വപ്നങ്ങളൂടെ അസ്ഥിയും
ചാരവും മോക്ഷം തേടി
അലയുന്നുണ്ട്....
ഇന്നലെ പെയ്യ്തു തീർന്ന
ഓർമ്മകളിൽ പാതി വെന്ത
സ്വപ്നങ്ങൾ കരിഞ്ഞു
മണക്കുന്നുണ്ട്...
അതിൽ നിന്റെ കാല്പാടുകൾ
ഇന്നും തിരയുന്ന ഇന്നലെയുടെ
ഗന്ധമുണ്ട്...
വിസ്മൃതിയുടെ തീരങ്ങളിൽ
വീണ്ടും വീണ്ടും കറ്റാടിച്ചു
കനലു പറക്കുന്നുണ്ട്
ഒരു നോവായി നീ എന്നിൽ
വീണ്ടും നിറയുന്നുണ്ട്...
പിന്നെയും ജീർണ്ണിച്ച ഭൂത
കാലത്തിലേക്കു ഞാൻ
വെറുതേ തിരിഞ്ഞു നോക്കി
വെറുതേ....

നിന്നോടുള്ള പ്രണയം

എന്റെ തുലികതുമ്പിലേക്ക്

നിന്നെ ആവാഹിക്കുമ്പോൾ

വിരഹം കരഞ്ഞു പിറക്കുന്ന-

തെന്തിനാണു...

നിശബ്ദതയുടെ തീരങ്ങളിൽ

ഞാൻ ഒളിച്ചു വെച്ച വേദന

കവിതയായ് പിറക്കുന്നതാണോ

ഇന്നെനിക്ക് നിന്നോടുള്ള പ്രണയം

അതോ ഇനിയും പിറക്കാനിരിക്കുന്ന

വാക്കുകളുടെ കുത്തൊഴുക്കിൽ

കടപുഴകി ഒലിച്ചു പോവേണ്ടുന്ന

വെറും നിർവികാരിതയോ??

ഞാനും നീയും മാത്രമൊതുങ്ങിയ

വാകുക്കളുടെ കളിയായിരിക്കുന്നു

എന്റെ പ്രണയം,അവിടെ കവിത

മരിച്ചിരിക്കുന്നു,ഇനി ഒരിക്കലും

തളിക്കാത്ത പൂമരം പോലെ

എന്റെ കവിതയും എന്റെ പ്രണയവും

എന്നോ എന്നോ മരിച്ചിരിക്കുന്നു.